Апел до останатите да ја контактираат асоцијацијата
Скопје, 1.11.2019 – Веднаш по автобуската несреќа кај Лескарци која се случи на 13 февруари годинава, членките на Асоцијацијата на Спортски Обложувалници (АСОМ) обезбедија донација од 1.200.000 денари како помош за семејствата на настраданите во оваа голема трагедија.
Асоцијацијата на спортски обложувалници (АСОМ) досега исплати околу 1 милион денари на 41 семејство на настраданите во несреќата кај Лескарци, од вкупно 54. Во недостиг на податоци за останатите 14 семејства, исплатата на средствата се уште не е реализирана.
„Асоцијацијата на Спортски Обложувалници и нејзините постојани и придружни членки; Спорт Лајф, Моцарт, Златна Копачка, Евротип и Марбет итно и едногласно донесоа одлука да се донираат парични средства на семејствата на настраданите во несреќата, по што стапивме во контакт со дел од нив, на кои средствата веќе им се исплатени. За жал, за дел не успеавме да обезбедиме податоци. Сосема разбирливо, во моменти на голема болка и тага кон загинатите и грижа за настраданите, некои од семејствата не стигнаа да ги достават своите податоци до асоцијацијата. Во оваа прилика ги повикувам преостанатите 14 семејства да ја контактираат асоцијацијата за да им ги исплатиме средствата кои им следуваат.“- апелира Васко Илиески, претседател на АСОМ.
Семејствата можат да ја контактираат АСОМ на: asom.mbsa@gmail.com на која треба да ги достават следните податоци: име и презиме, матичен број и број на трансакциска сметка.